Hæsta matvælaverðið og hæstu styrkirnir til landbúnaðar

Við Íslendingar erum mögnuð þjóð er kemur að neytendamálum.  Við sættum okkur við það að greiða hæstu styrki til landbúnaðar í heiminum um leið og við látum bjóða okkur það að greiða hæsta verð fyrir matvæli í heiminum.  Landbúnaðurinn tekur s.s. bæði úr hægri og vinstri vasa okkar skattgreiðenda/neytenda.  Einhver hefði haldið að allar þessar niðurgreiðslur til landbúnaðar ættu að skila sér í lægra verði til neytenda.  En, nei.  Því fer nú aldeilis fjarri.  Hér er súlurit frá OECD sem sýnir landbúnaðarstyrki í löndum samtakana:

Producer support estimate by country.  As a percentage of value of gross farm receipts

Sjá hér 

Eins og sést á myndinni nýtur Íslands þess vafasama heiðurs að vera á topp 3 listanum yfir þau ríki sem greiða hæstu styrki til landbúnaðar.  Noregur, Sviss og Ísland eru í sérflokki hvað þetta varðar.  Það jákvæða er þó að þessir styrkir lækkuðu á þessum c.a. átta árum sem um ræðir og Ísland fer úr öðru sæti niður í það þriðja. 

Nú hefur verið starfandi hægristjórn hér á landi undanfarin 12 ár en staðan er samt sú að enn í dag rekum við hér sovéskt landbúnaðarkerfi þar sem ríkið er í raun að handstýra framleiðslunni.  Hvenær má vænta þess að landbúnaðurinn verði markaðsvæddur hér á landi, þó ekki væri nema bara að hluta til?

Athugasemdir

[Sigurður Ásbjörnsson, 7.2.2007 kl. 17:24]

T.d. með því að koma á samkeppni milli framleiðenda.

[Gunnar Ásgeir Gunnarsson, 15.2.2007 kl. 15:10]

Ég Veit hverjir landbúnaðrstyrkirnur er hér og í evrópu og til bóndans er miklu meiri styrkir í Danmörku en hér. Ég spurð einn fróðan um þessa útreikninga OECD Og tók dæmi af bónda hér og þar Þetta voru mjög flóknar útskýringar sem ég fékk en niðurstaðan var sú megnið af stuðningnum vorun kallaðar grænar greiðslur sem OECD telur ekki sem stuðning Og síðan slepptu þeir stofnfjárfestinga stuðningi sem er mjög mikill þar en tíðkast ekki hér.