Er beðið eftir banaslysi?

Birgir Þór Bragason varaði við beygjunni á nýju Hringbrautinni talsvert áður en fyrsti bíllinn keyrði á girðinguna og fór yfir á hinn vegarhelminginn. Síðan hafa þrír bílar farið þarna yfir, nú síðast í gær. Ég hreinlega skil ekki af hverju ekkert er gert í þessum málum. Nú eru margir mánuðir eða heilt ár síðan fyrsta atvikið átti sér stað en samt hefur ekkert verið gert til að auka öryggi vegfarenda.  Birgir hefur bent á að vegrið á þessum kafla myndi bæta öryggið til muna.  Ekkert hefur verið hlustað á þessar ráðleggingar hvað þá að eitthvað hafi verið gert í málunum.   Hvað er svona erfitt við að setja upp vegrið á þessum kafla? Kennir nýr meirihluti í borginni sig ekki við framkvæmdastjórnmál? 

Ég keyrði þarna um í gærkveldi og nú er ekki einu sinni girðingu til að dreifa og engar ráðstafanir gerðar til að vara fólk við þessari hættu.  Hvað gerist ef einhver fer of skarpt í þessa beygju á næstu dögum og það er ekki einu sinni girðing til að draga úr hraða bílsins og hann lendir framan á bíl sem er að keyra úr gagnstæðri átt?  Þarf virkilega banaslys til að eitthvað verði gert?

Miklubraut lokað vegna áreksturs

Athugasemdir

[Jón Steinar Ragnarsson, 18.2.2007 kl. 04:28]

Framkvæmdastjórnmál???????

[Gunnar Ásgeir Gunnarsson, 18.2.2007 kl. 09:37]

Þessi blessuðu vegamál hér á íslandi er nú sérstakur kapituli út af fyrir sig. Markmið virðist vera:  1) Að vera 30 árum á eftir öðrum þjóðum.  2) Spara eyrinn en henda þúsundköllunum.

[Sigfús Þ. Sigmundsson, 18.2.2007 kl. 11:55]

Nú hafa 12 manns kosið í könnuninni og allir eru á móti einkavæðingu Landsvirkjunnar og eru þar með ósammála Geir H. Haarde formanni Sjálfstæðisflokksins.  Forvitnilegt verður að sjá hver niðurstaðan verður..