Viðskipathalli upp á 91 milljarð síðasta ársfjórðun 2006!

Gengur þetta til lengdar?  Er þetta ekki svona eins og heimili sem eyðir bara og eyðir langt umfram tekjur?   Hvernig fer fyrir svoleiðis heimilum?  Lítur ríkisstjórnin á þetta sem vandamál sem kemur þeim eitthvað við eða er þetta bara gott mál?   Hver er hlutur stærstu framkvæmdar Íslandssögunnar í þessum halla?   Hvaða áhrif hafa breytingarnar á Íbúðarlánasjóði haft á þessa þróun?

Er efnahagsstjórnin hér á landi í góðum höndum?

Viðskiptahallinn nærri tvöfaldaðist á síðasta ári

Athugasemdir

[Tómas Þóroddsson, 6.3.2007 kl. 19:42]

Já það væri gaman að fá svör við þessum spurningum. Það er frekar erfit hjá þeim að kenna um vondu búi sem þeir tóku við. Þeir eiga þetta skuldlaust, eins bjánalega og það hljómar í þessu samhengi.

[Gunnar Ásgeir Gunnarsson, 6.3.2007 kl. 20:46]

Innkoma bankana á húsnæðislánamarkaðinn á stóran þátt í þessu.  Mér skilst að það sé búið að byggja andvirði þriggja Kárahnjúkav. á Suðvestur útkjálkanum á  síðustu þremur árum

[Júlíus Sigurþórsson, 6.3.2007 kl. 21:20]

Auðvitað er innflutningur á byggingarefni stór partur af þessari tölu. Bæði hráefni til íbúðarbygginga, sement, járn, timbur og fl. Að auki er verið að flytja inn dýrustu póstanna í Kárahnjúkavirkjun, spenna, rafala og annað í þeim dúr. Svo eru 2 stk álver í þessu, bæði við Reyðarfjörð og í Hvalfirði. Ekki má gleyma innvolsinu í Hellisheiðarvirkjun og Reykjanesvirkjun. Háspennulínur þvers og kruss og svo lengi mætti telja.

Þetta ætti að vera hvatning til þeirra sem hafa bent á framtíðartekjur af útflutningi áls og mörg ár eru í að allt þetta byggingarefni sem fólk hefur flutt inn og notað í íbúðarbyggingar hverfi. Hvetur einnig þá sem benda á nauðsyn þess að framleiða sem mest af matvöru hér á land, svo ekki þurfi að kaupa hana erlendis og flytja inn.

Langtímafjárfestingar sem á eftir að skila sér í seinnitíma arði og sparnaði í viðhald íbúðarhúsnæðis.