66,4% vilja ekki einkavæða Landsvirkjun!

Fyrir nokkru setti ég af stað könnun hér á blogginu þar sem ég spurði eftirfarandi spurningar:  Á að einkavæða Landsvirkjun? (sjá hér vinstra megin á síðunni).  Nú hafa 116 manns svarað í könnuninni og staðan er sú að um 66,4% vilja ekki einkavæða Landsvirkjun, 31,9% vilja einkavæða hana og um 1,7% sögðust ekki vita hvort það ætti að einkavæða eða ekki.   Sem félagsvísindamaður vil ég taka fram að svona netkannanir eru á engan hátt marktækar ef ætlunin er að kanna vilja þjóðarinnar í þessum málum.  Það eina sem þetta segir okkur er hvert álit þeirra sem kíkja hér inn á síðuna, og ákveða svo að taka þátt í könnuninni, er. 

Tilefni þess að ég ákvað að setja þessa könnun af stað er sú staðreynd að Sjálfstæðisflokkurinn og Geir H. Haarde vilja einkavæða Landsvirkjun. Geir lýsti yfir vilja sínum til  að selja Landsvirkjun í ræðu á landsþingi flokksins í október 2005 og sagði þá m.a.:

"Við eigum líka eftir að einkavæða í raforkugeiranum. Þar liggur mikið almannafé bundið. Ég sé fyrir mér að eftir nokkur ár verði tímabært að selja Landsvirkjun til langtímafjárfesta eins og lífeyrissjóða."

Sjá alla ræðuna hér. 

Það er mín tilfinning (ekki bara byggt á þessari óvísindalegu netkönnun hér til hliðar) að mikill meirihluti landsmanna sé á móti því að selja Landsvirkjun og þar með raforkuframleiðsluna í landinu.  Landsmenn vita að ríkisrekstur í þessum geira er mun skárri kostur en einokun einkafyrirtækis eins og dæmin sanna, t.d. í Bandaríkjunum.  Það ætti að vera krafa kjósenda í landinu að fá skýr svör frá Sjálfstæðisflokknum um fyrirætlanir flokksins í þessum málum.  Ég skora hér með á fjölmiðlafólk að ganga á Geir og annað Sjálfstæðisfólk, og spyrja þau hvort til standi að selja Landsvirkjun ef flokkurinn verður í næstu ríkisstjórn......

  

Athugasemdir

[Haukur Nikulásson, 12.3.2007 kl. 20:06]

Fyrirgefðu ég missti af þessu. Mitt atkvæði hefði verið gegn einkavæðingu orkufyrirtækja. Tel það bara hreint landráð! (Mildilega til orða tekið).

[Haraldur Haraldsson, 12.3.2007 kl. 20:13]

Ja hvort eg er sammál,það á alls ekki að selja Landsvirkjun/Halli Gamli XD P/S vil fá þessi svör lika!!!!

[Sigfús Þ. Sigmundsson, 13.3.2007 kl. 05:48]

Ég ætla ekki að ganga svo langt að segja þetta landráð en ég tel að sala Landsvirkjunnar væri ekki gæfuspor í sögu þjóðarinnar.  Ákaflega mikilvægt er fyrir kjósendur að átta sig á þessum fyrirætlunum ríkisstjórnaflokkanna og þá sérstaklega Sjálfstæðisflokks en eins og kemur í ljós í pistlinum þá er þetta stefna Sjálfstæðisflokksins og kjósendur hafa heimtingu á að fá að vita hvort þeir ætli að gera þetta á næsta kjörtímabili ef þeir komast í stjórn.  Skora á fjölmiðlafólk að fá það á hreint fyrir okkur....