57,9% landsmanna mjög eða frekar hlynnt aðildarviðræðum við ESB

Samkvæmt könnun Capacent Gallup eru 57,9% landsmanna mjög eða frekar hlynnt aðildarviðræðum Íslands við ESB.  Það virðist því vera sem  Sjálfstæðisflokkur, VG og Frjálslyndir séu  á öndvörðu meiði við meirihluta landsmanna en þessir flokkar hafa tekið  harða afstöðu gegn aðildarviðræðum.  Það væri mjög lærdómsríkt ferli fyrir þjóðina að fara í gegnum slíkar aðildarviðræður og þjóðaratkvæðagreiðslu um samninginn í kjölfarið.   Það hefur ekki farið fram þjóðaratkvæðagreiðsla hér á landi síðan Íslendingar ákváðu að gerast lýðveldi árið 1944.  Það virðist hreinlega sem stjórnmálafólk á Íslandi treysti þjóðinni ekki til þess að taka afstöðu til einstakra mála.   

Ef Ísland næði hagstæðum samningi við ESB um inngöngu kæmi aldrei neitt annað til greina en að þjóðin myndi hafa síðasta orðið um inngöngu.   Ef þjóðin fellir slíkan samning verður ekki farið inn í sambandið.  Ég treysti þjóðinni til að taka ákvörðun um þetta mál og hvet því til þess að fari verði í aðildarviðræður strax að loknum kosningum og haldin verði þjóðaratkvæðagreiðsla ef nægjanlega hagstæður samningur næst. 

57,9% hlynnt aðildarviðræðum við Evrópusambandið samkvæmt könnun SI

Athugasemdir

[Ásthildur Cesil Þórðardóttir, 16.3.2007 kl. 16:15]

Það sem er í huga Frjálslyndra er sjávarútvegurinn.  'Ottinn við að missa umráðaréttinn yfir auðlindunum.  Það þarf að koma því máli í farsælan farveg áður en hægt er að skoða inngöngu í Evrópu.  Þó má spyrja sig hvort afnotarétturinn endar ekki hjá erlendum peningafurstum, þegar LÍÚmenn fara að selja fyrirtækin úr landi.  Þeir vilja fá leyfi til þess núna. 

[Sigfús Þ. Sigmundsson, 16.3.2007 kl. 16:28]

Það yrði einmitt eitt af aðalatriðunum í samningaumleitunum....

[Haukur Nikulásson, 16.3.2007 kl. 20:20]

Sigfús, ég treysti bara ekki stórveldi eins og Evrópusambandinu neitt frekar en bandaríkjunum. Hvernig kemst ég yfir það?

[Sigfús Þ. Sigmundsson, 17.3.2007 kl. 09:48]

Með því að kynna þér málin ítarlega....

[Sigfús Þ. Sigmundsson, 17.3.2007 kl. 09:50]

P.S. Það eru kostir og gallar við aðild eins og varðandi svo margt.  Að mínu mati eru þó kostirnir fleiri en gallarnir og ættum við a.m.k. að fara í aðildarviðræður og sjá hversu hagstæðan samning við fáum og leyfa svo þjóðinni að taka ákvörðun um hvort af inngöngu verði....