"Óvenju hagstætt lán!" - 16,55%

Um daginn setti ég hér inn auglýsingu frá S-24 þar sem auglýst var "hagstætt" lán og talið upp að hægt væri að nota það til að kaupa hitt og þetta s.s. húsbúnað ýmiskonar.  Ég velti þá upp þeirri spurningu hvort að einhversstaðar í heiminum þætti svona auglýsing eitthvað annað en brandari eða móðgun við neytendur.  Áfram heldur S-24 að auglýsa þessi "kostakjör" og í Fréttablaðinu í dag birtist eftirfarandi auglýsing:

 

 

 

 

 

 

 

 

 

 

 

 

 

 

 

 

Væri ekki nær að neytandinn sem sést neðst í auglýsingunni væri með reiðisvip?  Varla eru neytendur á Íslandi ánægðir með að greiða 16,55% vexti?  Er ástandið virkilega það slæmt að fólk kippi sér ekki upp við svona auglýsingu?

Sérstaka athygli mína vekur eftirfarandi texti í auglýsingunni:

"Tilboðslánið hentar vel til að greiða niður óhagstæðar skuldir, eða láta draumana rætast, hvort sem það er eldhúsinnrétting, uppþvottavél, framkvæmdir heimafyrir eða eitthvað annað...... þitt er valið....."

Það að fá lán á 16,55% "kostakjörum" á sem sagt að vera sérstakur hvati til að fara út í ýmiskonar fjárfestingar fyrir heimilið.

Halda viðkomandi að neytendur séu fífl?   Eða er almenningur kannski orðinn svo vanur þessu vaxtaokri að hann bara stekkur á þessi kostakjör og fer að spandera hægri vinstri?

 

  

Athugasemdir

[TómasHa, 26.3.2007 kl. 16:48]

Já, nú er bara að drífa sig og kaupa eitthvað snilldalegt á útsölu yfirdrætti!!  Þessi kjör eru svo gjörsamlega út úr öllu korti.   Ekki furða að bankarnir eru að græða.

[Sigfús Þ. Sigmundsson, 26.3.2007 kl. 16:50]

Já, nú er aldeilis tími til að leggja parket og svona, vextirnir hafa sjaldan verið eins hagstæðir.....

[Bjöggi (IP-tala skráð) 26.3.2007 kl. 17:08]

Og taktu eftir því að samkvæmt auglýsingunni getur þú sparað 382 þúsund með því einu að taka lánið. Ekki slæmur sparnaður það. ;)  

[Sigfús Þ. Sigmundsson, 26.3.2007 kl. 17:13]

Já, maður er greinilega að missa af heilmiklum sparnaði með því að sleppa þessu ótrúlega tilboði........

[Þarfagreinir, 27.3.2007 kl. 00:45]

Tja, reyndar er þetta óverðtryggt, en samt ...

Ég yrði að vera frekar illa staddur til að íhuga þetta. 

[Ásthildur Cesil Þórðardóttir, 27.3.2007 kl. 08:56]

Takk takk takk fyrir að benda mér á þetta frábæra tilboð, ég hefði sennilega misst af því.  Það er bara spurning um hvað ég á að nota það í.  En það kemur eflaust. Ég legg þetta bara inn á tékkareikninginn minn og geymi það það þangað til ég þarf að nota það .... Haggi ??