Föstudagsléttmetið - Ísland best í heimi

Ekki hefur verið mikið af léttmeti í pistlum mínum hér á moggablogginu frá því ég byrjaði.   Pistlarnir eru flestir hlaðnir fróðleik um stjórnmál og svo sem ekki líklegir til vinsælda enda er tilgangurinn ekki að slá í gegn heldur frekar sá að veita áhugasömum aðgang að fræðandi og upplýsandi efni um stjórnmál og samfélag.

En ég ætla að gera það að venju hjá mér að koma með einn léttan pistil á hverjum föstudegi.  Að þessu sinni ætla ég að bjóða upp á video sem vinkona mín sendi mér og hvatti mig til að horfa á.  Ég veit ekki hverjir unnu þetta myndband en hér eru á ferðinni íslensk hjón sem virðast vera að gera kynningarmyndband um land og þjóð.  Þau gera það af barnslegri einlægni þannig að auðvelt er að hrífast með.  Tónlistin er snilld og hámarki nær myndbandið sennilega þegar plötukenningin er útskýrð.  Þetta gæti verið gott atriði í Fóstbræðrum. Njótið:

Smellið hér til að sjá myndbandið